કહેવાય છે કે ડાયાબિટીસની પહેલી વખત જાણ સાઠ ટકા કેસોમાં આકસ્મિક જ થાય છે. આ એક એવો અતિથિ છે જે ગમે ત્યારે – તેને ગમે ત્યારે શરીરમાં પ્રવેશી જાય છે, પણ એક વાર પેઠા પછી માણસ સાથે ‘દગાબાજી’ કરીને તેનો સાથ ક્યારેક અધવચ્ચે છોડી જતો નથી, છેક ચિતા સુધી સાથ નિભાવે છે. એક સમય પડછાયો માણસને છોડીને ચાલ્યો જાય, પણ ડાયાબિટીસ જેનું નામ, બિલકુલ વિશ્વાસપાત્ર દોસ્ત છે.
૦૭. ઉલટ તપાસ
ડાયાબિટીસનીઉલ૮તપાસ...બ્લડસ્યુગથી
બ્લડ ગ્લુકોઝ લેવલઃ
ગ્લુકોઝ અથવા જેને આપણે બ્લડ સુગર કહીએ છીએ તે શક્તિ મેળવવા માટેનું શરીરનું મુખ્ય ઇંધણ છે. બ્રેઇન (મગજ), સ્નાયુ અને શરીરના અન્ય અંગોના કાર્ય ગ્લુકોઝની મદદથી જ થાય છે. ગ્લુકોઝ એ કુદરતે બનાવેલ જાદુઇ પદાર્થ છે જે દરેક પ્રાણીને શક્તિ આપે છે. વૈજ્ઞાનિકો આ ગ્લુકોઝને જાણે છે, સમજે છે. પરંતુ આ જાદુઇ પદાર્થનું નિર્માણ તો વનસ્પતિ માત્ર, સૂર્યપ્રકાશ, પાણી અને કાર્બન જેવા સાદા તત્વોની મદદથી બનાવી શકે છે.
શરીર એક સુગર ફેક્ટરી :
કોઇપણ વ્યક્તિ ભોજન લે છે ત્યારે તે ભોજનમાં ખોરાક પ્રોટીન, ફેટ અથવા તો કાર્બોહાઇડ્રેટના રૂપમાં હોય છે. આ પછી શરીરમાં જઠ્ઠર, આંતરડા, સ્વાદુપિંડ અને અન્ય અંગની મદદથી આ પ્રોટીનને તોડીને તેના નાના નાના કણ એટલે કે એમીનો એસિડ બનાવે છે. ફેટમાંથી ફેટી એસિડ બનાવે છે અને કાર્બોહાઇડ્રેટ (સ્ટાર્ચ)માંથી ગ્લુકોઝ બને છે.