કહેવાય છે કે ડાયાબિટીસની પહેલી વખત જાણ સાઠ ટકા કેસોમાં આકસ્મિક જ થાય છે. આ એક એવો અતિથિ છે જે ગમે ત્યારે – તેને ગમે ત્યારે શરીરમાં પ્રવેશી જાય છે, પણ એક વાર પેઠા પછી માણસ સાથે ‘દગાબાજી’ કરીને તેનો સાથ ક્યારેક અધવચ્ચે છોડી જતો નથી, છેક ચિતા સુધી સાથ નિભાવે છે. એક સમય પડછાયો માણસને છોડીને ચાલ્યો જાય, પણ ડાયાબિટીસ જેનું નામ, બિલકુલ વિશ્વાસપાત્ર દોસ્ત છે.
૧૮. કસરત શા માટે ?
ડાયાબિટીસમાં કસરત શા માટે જરૂરી છે ?
આપણાં ચંદુભાઇને ઓળખો ને... વજન ૧૦૮ કિલો છે. જેમ શરીરથી સમૃદ્ધ એમ પૈસા ટકે પણ સમૃદ્ધ છે.
ડાયાબિટીસ અને બી.પી. જેવા "પૈસાદાર" માણસોના રોગ પણ ખરા.... જ્યારે ચંદુભાઇ ડોક્ટર પાસે જાય ત્યારે ડોક્ટરની વઢ ખાઇને આવે... "ચુદભાઇ, હવે તો શરીર સામે જુઓ, કંઇક ચાલવાનું, કસરત, જીમ, સ્વીમીંગ જે ફાવે તે ચાલુ કરો...." ચંદુભાઇ જરા શરમ સાથે હાહા કરવા લાગે. થયું એવું કે ચંદુભાઇને લાગી આવ્યું પહોંચી ગયા જીમમાં, મેમ્બરશીપ લીધી અને બે દિવસ કાર્ડીયો કસરત કરી ત્યાં તો ખલ્લાસ....