કહેવાય છે કે ડાયાબિટીસની પહેલી વખત જાણ સાઠ ટકા કેસોમાં આકસ્મિક જ થાય છે. આ એક એવો અતિથિ છે જે ગમે ત્યારે – તેને ગમે ત્યારે શરીરમાં પ્રવેશી જાય છે, પણ એક વાર પેઠા પછી માણસ સાથે ‘દગાબાજી’ કરીને તેનો સાથ ક્યારેક અધવચ્ચે છોડી જતો નથી, છેક ચિતા સુધી સાથ નિભાવે છે. એક સમય પડછાયો માણસને છોડીને ચાલ્યો જાય, પણ ડાયાબિટીસ જેનું નામ, બિલકુલ વિશ્વાસપાત્ર દોસ્ત છે.
૨૭. પગની જાળવણી
ગરમીના દિવસોમાં ડાયાબિટીસના દર્દીઓ પગની ખાસ જાળવણી કરે.
ડાયાબિટીસ અને પગ
ડાયાબિટીસ એક રોગ નહીં પણ વધતી જતી સામાજીક સમસ્યા છે. ૧૫% જેટલા ડાયાબિટીસના દર્દીઓને તેમના જીવનકાળ દરમિયાન પગનાં ધારા થાય છે. તેમાં ૧% જેટલા લોકોના પગ કાપવા પડે છે. ૩૦% જેટલા લોકોને એકથી વધારે વખત પગમાં રસી થાય છે અને વારંવાર ઓપરેશન કરાવવું પડે તેવું બને છે. આ ઉપરાંત કિડનીની તકલીફ, આંખની તકલીફ, હૃદયની તકલીફ પણ થાય છે. આપણે ડાયાબિટીસને પગ સાથે શું સંબંધ છે, પગમાં શું તકલીફ થાય અને તેને અટકાવવા શી કાળજી લેવી જોઇએ તેના વિશે માહિતી મેળવશું.