કહેવાય છે કે ડાયાબિટીસની પહેલી વખત જાણ સાઠ ટકા કેસોમાં આકસ્મિક જ થાય છે. આ એક એવો અતિથિ છે જે ગમે ત્યારે – તેને ગમે ત્યારે શરીરમાં પ્રવેશી જાય છે, પણ એક વાર પેઠા પછી માણસ સાથે ‘દગાબાજી’ કરીને તેનો સાથ ક્યારેક અધવચ્ચે છોડી જતો નથી, છેક ચિતા સુધી સાથ નિભાવે છે. એક સમય પડછાયો માણસને છોડીને ચાલ્યો જાય, પણ ડાયાબિટીસ જેનું નામ, બિલકુલ વિશ્વાસપાત્ર દોસ્ત છે.
૨૮. અન્ય વિષમતાઓ
આપણાં ચંદુભાઇ હમણાં નવી મુશ્કેલીમાં મુકાઇ ગયા... ડાયાબિટીસ તો હતું જ અનેસુગર ૨૦૦-૨૫૦ની વચ્ચે રહેતું હતું. ચંદુભાઇ કંઇપણ ખોરાક ખાય અને પેટ ફુલી જાય... જાણે ખોરાક હોજરીમાં જ ભર્યો છે. કોઇકવાર ઉલ્ટી પણ થાય. ઉપરાંત સખત કબજીયાત રહે. ડોક્ટરે ચંદુભાઇનું ડાયાબિટીસ સરખું કર્યું અને હોજરી-આંતરડા કામ કરતાં થાય એવી દવાઓ આપી ત્યારે માંડ ગાડી પાટે ચડી.... આજે આપણે ડાયાબિટીસની અન્ય વિષમતાઓ વિશે જાણીએ.
(૧) ડાયાબિટીસની હોજરી - આંતરડા પર અસર :-
જ્યારે ડાયાબિટીસ કાબુમાં ન હોય ત્યારે હોજરી આંતરડાની ગતિ મંદ પડી જાય અને પેટમાં ખોરાક ગેસનો ભરાવો થાય, ઉલ્ટી ઉબકાં થાય અને કબજીયાત થાય છે. ડાયાબિટીસનો સારો કાબુ અને હોજરીની ગતિ વધારે એવી દવાઓ, જરૂરી સારવાર છે.
(૨) નપુસકતા :
ડાયાબિટીસના પુરુષ દર્દીઓને આ તકલીફ છે કે દર્દી તેના હિત વિશે વાત કરતાં અચકાય છે અને બીજુ તો ઠીક પણ પોતાનાં ડોક્ટરને પણ આ ફરિયાદ કરતાં નથી....
.jpg)